Паэме Міколы Гусоўскага “Песня пра зубра” ў 2022-м спаўняецца 500 гадоў

Роўна 500 гадоў спаўняецца сёлета знакамітай паэме Міколы Гусоўскага “Песня пра зубра”. Каму як не нам, суседзям запаведнай Белавежскай пушчы, дзе ўладарыць гэта магутная жывёліна, ведаць многа і дакладна пра названы вышэй твор? Давайце пагартаем старонкі і ўспомнім самыя цікавыя факты!

 Поўная назва твора – “Песня пра выгляд, лютасць зубра і паляванне на яго” (“Carmen de statura feritate ac venatione bisontis”).

“Песня пра зубра” была напісана ў 1522 годзе на класічнай лацінскай мове для заходнеславянскага чытача па замове папы Льва Х Медычы.

Мікола Гусоўскі пісаў паэму ў Рыме, дзе знаходзіўся ў складзе дыпламатычнай місіі Вялікага княства Літоўскага.

Упершыню паэма была выдадзена ў Кракаве ў 1523 г. у складзе зборніка, які складаўся з аднайменнай паэмы, 11 вершаў і празаічнага прысвячэння каралеве Боне Сфорца.

Паэма лічыцца непераўзыйдзенай у эпічным паказе Беларусі і беларускага народа да з’яўлення паэмы «Пан Тадэвуш» Адама Міцкевіча.

Існуюць 3 пераклады паэмы на беларускую мову: Язэпа Семяжона, Наталлі Арсенневай і Уладзіміра Шатона.

У 2007 годзе выдавецтва “Мастацкая літаратура” выдала “Песню пра зубра” кнігай на беларускай мове.

Адзін з галоўных герояў паэмы і яе цэнтральны вобраз – князь Вітаўт.

У Беларусі 25 верасня 2008 г., да 485 года першай публікацыі паэмы “Песня пра зубра”, была выпушчаная аднабаковая паштовая картка з арыгінальнай маркай.

У 1982 годзе кінастудыяй “Беларусьфільм” быў выпушчаны аднайменны мультыплікацыйны фільм.

Мінскі рок-гурт “Сузор’е” ў 2008 годзе выпусціў музычны альбом “Песня пра зубра”. А беларускі гурт сярэднявечнай музыкі “Стары Ольса” ў сваім альбоме «Verbum» (2002 г.) запісаў песню на словы з паэмы “Песня пра зубра”.

НК