Час вынікаў і планаў

Жнівеньская настаўніцкая канферэнцыя – падзея, да якой педагогі раёна рыхтуюцца загадзя, і ідуць на яе заўсёды, як на свята. Тут можна не толькі сустрэць калег, з якімі не бачыліся цэлыя канікулы, але і апошнія навіны пачуць. Паназіраем, як гэта было сёлета…

Пазнаёміўшыся з выставамі, якія падрыхтавалі ўстановы дадатковай адука­цыі раёна ў фае Камянецкага ГДК, госці свята размясціліся ў актавай зале. Першнаперш адбылося знаёмства з малады­мі спецыялістамі, якія на момант выха­ду гэтага матэрыялу паспелі ўжо асвоіц­ца на новых працоўных месцах. Па трое атрымалі іх у СДЮШАР “Пушча” і СШ №2 г.Каменец, па двое – у Відамлян­скай, Дзмітровіцкай, Камянюцкай, Пагранічнай СШ, па адным – у Высокаўскай, Воўчынскай, Турнянскай, Пелішчанскай, Белавежскай СШ, гімназіі г.Каменец і
ЦДАДіМ г.Каменец.

З прывітальным словам да маладых звярнуўся дырэктар Стаўскай БШ Улад­зімір Ляўчук, пажадаўшы ім мудрых на­стаўнікаў і таленавітых вучняў, з якімі патрэбна працаваць, кіруючыся простай кітайскай ісцінай, што гучыць так: “Ска­жы мне – і я забуду, пакажы мне – і я запомню, дай мне дзейнічаць самас­тойна – і я навучуся”.

Ад імя ўсіх сваіх усхваляваных мала­дых калег выступіла настаўніца беларус­кай мовы і літаратуры Пагранічнай СШ Вольга Нічыпарук, паабяцаўшы “не пад­весці тых, хто паверыў у нас”.

Пасля віншаванняў старшыні райвы­канкама Валянціна ЗАЙЧУКА слова меў начальнік аддзела адукацыі, спорту і ту­рызму райвыканкама Віктар ГРЫЦУК, які падвёў вынікі мінулага навучальнага года і акрэсліў планы і задачы на новы.

Дырэктар Высокаўскай СШ Валянці­на ПАТРАБЕНКА прысвяціла свой не­вялікі даклад профільнаму навучанню,
якое добра прыжылося ў яе ўстанове адукацыі, а таксама дапрофільнай падрыхтоўцы вучняў. Выхавальнік Агарод­ніцкага дзіцячага сада Аксана МАЛЕЕ­ВА распавяла пра методыкі і тэхналогіі (інфармацыйна-камунікатыўныя і зда­роўезберагальныя), якімі кіруецца ў ра­боце з дзеткамі. А намеснік дырэктара
ЦДАДіМ г.Высокае Міхаіл Дудар пазнаёміў слухачоў з плённай дзейнас­цю цэнтра.

Пасля выступленняў прыйшоў час са­мага прыемнага – узнагароджвання. Першымі на сцэну падняліся педагогі,
што скончылі сёлета сваю дзейнасць на адміністратыўнай пасадзе: Мікалай Пачко, дырэктар Баршчэўскай БШ, Галіна Пачко, намеснік дырэктара назва­най школы, Алена Дзямчыла, загадчык Баршчэўскага ясляў-сада, Галіна Сегянюк, намеснік загадчыка ясляў-сада №1 г.Каменец, і Людміла Брытун, намес­нік загадчыка Раснянскага ясляў-сада. Ім дзякавалі за плённую шматгадовую працу Віктар Грыцук і старшыня раён­
нага камітэта прафсаюза работнікаў аду­кацыі і навукі Мікалай Сергіевіч.

Ганаровыя граматы Міністэрства аду­кацыі РБ атрымалі Людміла Дудар, дырэктар ЦДАДіМ г.Высокае; Святлана Альшэўская, настаўнік хіміі і біяло­гіі Высокаўскай СШ; Ларыса Краўчук, загадчыца ясляў-сада №1 г.Каменец; і Святлана Адамчук, дырэктар Рэчыц­кага дзіцячага сада-сярэдняй школы.

А ўсіх тых, хто ўдастоены ганаровых грамат упраўлення адукацыі аблвыкан­кама (26 чалавек) і аддзела адукацыі, спорту і турызму райвыканкама (33), пе­ралічыць проста немагчыма – не хопіць цэлай газеты.

Канцэрт, падрыхтаваны артыстамі ГДК, доўга не адпускаў гледачоў. А пасля яго педагогі не спяшаліся разыходзіц­ца. Было пра што пагутарыць…

Настасся НАРЭЙКА. Фота Івана КАРАГОДЫ.