“Белая Русь” падвяла вынікі…

13 мая ў актавай зале райвыканкама адбылася справаздачна-выбарная канферэнцыя раённай арганізацыі РГА “Белая Русь”, ганаровымі гасцямі якой сталі намеснік старшыні абласной арганізацыі Васілій Лашч, старшыні райвыканкама Віталій Кулак і раённага Савета дэпутатаў Ірына Нігерыш, намеснік старшыні райвыканкама Дзяніс Шпак, старшыня раённай арганізацыі прафсаюзаў Аксана Высагроцкая і генеральны дырэктар ААТ “Белавежскі” Аляксандр Дуньковіч.

У зале прысутнічалі 58 дэлегатаў, што прадстаўлялі 59 пярвічак (усяго ў раёне 714 членаў “Белай Русі” і 59 пярвічак).

Першым на разгляд канферэнцыі быў вынесены даклад старшыні раённай арганізацыі РГА “Белая Русь” Паўла Заграя, прысвечаны вынікам трохгагадовай работы (з мая 2019-га па май 2022-га). Яго ілюстравалі фатаграфіі на экране. Судакладчыкамі Паўла Пятровіча сталі намеснік начальніка аддзела архітэктуры, будаўніцтва і ЖКГ райвыканкама Тамара Вяткіна, Аксана Высагроцкая і начальнік аддзела па адукацыі райвыканкама Жанна Аўдзей. Канферэнцыя заслухала ўсіх і адобрыла работу раённай арганізацыі за справаздачны перыяд. Акрамя таго, была прынята справаздача кантрольна-рэвізійнай камісіі.

На канферэнцыі абраны новы склад Савета, Прэзідыума і кантрольна-рэвізійнай камісіі раённай арганізацыі, а таксама тыя людзі, якія ў хуткім часу выправяцца на абласную справаздачна-выбарную канферэнцыю.

І на завяршэнне мерапрыемства Павел Заграй асобна адзначыў юбіляра, уручыў членскія білеты і падарункі новым членам “Белай Русі”, а актывістам – падзячныя пісьмы. Сярод апошніх – Зоя Рошчанка, Кацярына Гарахоўская, Аксана Мельнікава, Ганна Міранюк, Вераніка Пашковіч, Аксана Высагроцкая і Жанна Аўдзей, а таксама пярвічка “Белай Русі”, што створана ў яслях-садзе №2 Каменца.

Настасся НАРЭЙКА.

Фота аўтара і Анастасіі ЯНКІНАЙ.