Выбарчая кампанія па выбарах дэпутатаў Палаты прадстаўнікоў Нацыянальнага сходу Рэспублікі Беларусь шостага склікання на Камянеччыне набірае абароты. Цяпер праходзіць этап збору подпісаў для вылучэння кандыдатаў у дэпутаты парламента РБ.
Як зазначыла галоўны спецыяліст па справах моладзі аддзела ідэалагічнай работы, культуры і па справах моладзі райвыканкама Людміла Жураўлёва, 19 ліпеня ў Высокім у скверы адбыўся сумесны пікет актывістаў раённых арганізацый “Белая Русь”, Беларускі саюз жанчын”, “БРСМ”, раённага савета ветэранаў па зборы подпісаў выбаршчыкаў у падтрымку вылучэння кандыдатам у парламентарыі Жанны Уладзіміраўны Стаціўка.
Грамадзяне актыўна падыходзілі да пікета, цікавіліся інфармацыяй, размешчанай на стэндзе, ставілі свае
подпісы ў падпісным лісце.
Аксана Высагроцкая, старшыня Камянецкага раённага аб’яднання арганізацый прафсаюзаў, што ўваходзяць у ФПБ, паведаміла, што 19 ліпеня пікет па зборы подпісаў выбаршчыкаў актывісты раённага аб’яднання прафсаюзаў выставілі каля Дома культуры аграгарадка Навіцкавічы. І ўжо ў першую гадзіну работы пікета ў падпісным лісце заставалася ўсяго некалькі незапоўненых радкоў.
– Люднае месца, пасля працы дадому ідуць жыхары вескі, – адзначыла член ініцыятыўнай групы Ірына Дуднікава. – Людзі самі падыходзяць і дастаюць пашпарты, дабра ведаюць, што гэта абавязковы дакумент пры зборы подпісаў. Не паўстае пытанняў і калі прыходзім дадому і просім паставіць подпіс.
Ініцыятыўная група збірае подпісы выбаршчыкаў у падтрымку кандыдата ў дэпутаты Палаты прадстаўнікоў Нацыянальнага сходу Рэспублікі Беларусь Жанны Уладзімiраўны Стаціўка.
Падрыхтавала Вера ІВАНЮКОВІЧ.
Это может быть интересно:
-
Это важно! О декларировании доходов
-
1 сентября 2024 года распахнет свои двери Могилевский специализированный лицей МВД
-
Размер суточных для служебных командировок в пределах Беларуси повышается до 12 рублей
-
В Каменце 247 человек обратились за консультацией к врачам-онкологам за один день
-
В каком случае дом признают пустующим и забирают в собственность государства