Першынство Рэспублікі Беларусь па дзюдо сярод юнакоў і дзяўчат 1996-1997 гадоў нараджэння прайшло ў Баранавічах 2-4 лютага. Сярод прызёраў і наша зямлячка, выхаванка Рыгора Маеўскага, Марыя Кавальчук. (Яна была адзінай прадстаўніцай СДЮШАР “Пушча” на гэтым спартыўным форуме.) Дзяўчына заняла другое месца ў вагавай катэгорыі да 57 кг. Чацвёрка юнакоў, якія прадстаўлялі Камянеччыну, пераможных лаўраў не здабылі.
Баранавіцкі поспех паспрыяў Марыі выступіць на Міжнародным турніры “Кубак Віктара Юртава”, які праходзіць у гэтыя дні ў Гродна.