У патрэбны час, у патрэбным месцы

IMG_1221Героем дня 14 студзеня стаў старшы сяржант унутранай службы, камандзір аддзялення ПАВП-13 Камянецкага РАНС Аляксей Скулавец. У вольны ад службы час ён вяртаўся дадому ў Каменец і ўбачыў палаючы дом у Абяроўшчыне. Неадкладна выклікаў дапамогу, а сам кінуўся ў агонь: як адчуваў, што ўнутры нехта ёсць. Так і аказалася: праз некалькі хвілін на свежае паветра быў вынесены мужчына. Але на гэтым сяржант не спыніўся і зноў пайшоў на геройскі ўчынак: на гэты раз узламаў замок на скрыні з газавымі балонамі і вынес іх. Такім чынам Аляксей Скулавец да прыбыцця пажарных падраздзяленняў стаў сапраўдным “героем нашага часу”, ганарыцца якім могуць родныя і блізкія.

Вынікі пажару несуцяшальныя: знішчаны дах над усёй плошчай дома, пашкоджаны перакрыцці, унутраная аддзелка пакояў і маёмасць.

* * *

Акрамя таго, 14 студзеня ў Дварцах адбыўся яшчэ адзін пажар. Каля 20-і гадзін вечара тут загарэўся хлеў. У выніку агнём знішчаны дах і перакрыцці на агульнай плошчы 25 м2.

Прычыны абодвух пажараў устанаўліваюцца

1 thought on “У патрэбны час, у патрэбным месцы

Добавить комментарий