У камянецкай бібліятэцы працуе выстава лялек LOL

66 экспанатаў прапаноўвае ўвазе маленькіх (і не толькі!) гледачоў выстава хобі “Лялькі LOL – новае захапленне дзяўчынак”. Яна размясцілася ў Камянецкай дзіцячай бібліятэцы ў межах праекта “Дзеці, якія чытаюць, – шчаслівая сям’я” з нагоды Тыдня дзіцячай і юнацкай кнігі.

Мініяцюрных дзяўчынак, хлопчыкаў (іх усяго 2), катоў, сабачак і іншых жывёлак ласкава прадаставілі для арганізацыі выставы Вераніка Касміцкая і яе дачушка Соня. Жывуць яны ў Брэсце і штовыхадныя гасцююць у бабулі з дзядулем у Мікалаеве.

Выстава будзе працаваць да канца бягучага тыдня.

Настасся НАРЭЙКА.