У Высокім прайшлі чарговыя “Добрыя сустрэчы”

Кожны год у апошнія выхадныя студзеня Высокае традыцыйна збірае на сцэне гарадскога Дома культуры сваіх шматлікіх сяброў. І 2023-і не стаў выключэннем.

12-я па ліку “Добрыя сустрэчы” пад назвай “Песні на ўсе часы” падрыхтавалі гледачам многа прыемных сюрпрызаў. Вечарам 29 студзеня для іх спявалі лепшыя вакалісты самага зходняга горада Беларусі, госці з Белавежскага, Каменца, Брэста… Гучалі ўсім вядомыя кампазіцыі “Трава у дома”, “У природы нет плохой погоды”, “Город, которого нет”, “Боже, какой пустяк” і іншыя.

Было таксама некалькі сапраўды феерычных танцавальных нумароў, а яшчэ адным упрыгожваннем канцэрта стаў харызматычны вядучы Аляксей Каралёў, дырэктар Камянецкага РДК.

Падрабязней пра “Добрыя сустрэчы” – у наступным нумары “НК”.

Настасся НАРЭЙКА.
Фота Ганны ПАЦЯЙЧУК.