У Белавежскім прайшоў вечар, прысвечаны 60-годдзю Сяргея Карпава

Пра Сяргея Карпава ў Белавежскім гавораць з вялікай павагай і захапленнем. Зусім нядаўна, 23 красавіка, яму – мастацкаму кіраўніку Дома культуры ААТ “Белавежскі” – споўнілася (хто б мог паверыць?!) 60 гадоў. Шаноўны юбілей святкавалі 1 мая на сцэне ДК у цёплай кампаніі. Назва канцэрта – “Вечар у коле сяброў” – абавязвала.

Гледачам прапанавалі пазнаёміцца з Сяргеем Васільевічам бліжэй. Аповед пра яго працоўны і творчы шлях суправаджаўся рэтра-фатаграфіямі. Узгадавалася, як ён удзельнічаў некалі ў будаўніцтве квітнеючага сёння пасёлка, як потым стаў супрацоўнікам ДК, дзе стварыў эстрадную студыю “Юныя дараванні”, якая грымела не толькі ў нашай краіне, але і за яе межамі, і квартэт “Марціні”, добра вядомы кожнаму белавежцу і не толькі…

Падрабязней — на старонках “НК” у суботу.

Настасся НАРЭЙКА.

Фота аўтара.