Натарыят падвёў вынікі

number6_4За 2012 год у дзяржаўнай натарыяльнай канторы раёна здзейснена 3730 натарыяльных дзеянняў, за якія спагнана пошліны звыш 215 млн. рублёў, за аказанне дадатковых платных прававых паслуг – 64 млн.15 тыс. рублёў.

Летась заведзена 501 спадчынная справа, засведчана 412 дагавораў адчужэння жылых дамоў (ква­тэр), выдадзена 1101 пасведчанне аб праве на спадчыну, праведзены іншыя дзеянні. 466 грамадзян атрымалі пісьмовыя кансультацыі, па папярэднім запісе прынята 1837 чалавек. За гэты ж час па заяўным прынцыпе “адно акно” звярнуліся 542 чалавекі, былі накіраваны запыты ў дзяржаўныя і іншыя арганізацыі.

Кожны месяц загадчыца і дзяржаўны натарыус вядуць прыём грамадзян ў 17 аграгарадках раёна, а таксама ў Высокім, дзе выконваюцца ўсе віды натарыяльных дзеянняў. Аб тым, дзе адбудуцца гэтыя прыёмы, можна даведацца з інфармацыі ў раённай газеце “Навіны Камянеччыны”, а таксама на стэндах у дзяржканторы, сельвыканкамах, іншых даступных для жыхароў вёскі месцах. За 2012 год адбылося 130 выездаў у аграгарадкі, на прыём прыйшлі 1135 грамадзян. Былі дадзены кансультацыі, заведзены спадчынныя справы, здзейснены натарыяльныя дзеянні па заяўным прынцыпе “адно акно”. У гэты ж час у Высокім прынята больш за 130 чалавек, адбылося 110 натарыяльных дзеянняў, заведзены 24 спадчынныя справы і дадзена 55 кансультацый. І гэта ўсё за шэсць выездаў у горад.

Падчас “Прамых ліній” былі дадзены адказы на пытанні аб наследаванні па законе і па завяшчанні, адчужэнні дамоў і кватэр, засведчанні даверанасцей, арганізацыі прыёму ў аграгарадках і інш. Традыцыйнымі да Дня абаронцаў Айчыны, 8 Сакавіка, Дня Перамогі, Дня пажылых людзей і Дня інваліда, Дня юрыста сталі дабрачынныя акцыі “Права ў кожны дом” – па аказанні кансультацый ветэранам Вялікай Айчыннай вайны, інвалідам і пенсіянерам, маламаёмным грамадзянам.

Акрамя работнікаў дзяржканторы, натарыяльныя дзеянні здзяйснялі ўпаўнаважаныя службовыя асобы гарсельвыканкамаў. Выканаўчымі і распарадчымі органамі раёна выдадзена 631 даведка для афармлення спадчынных правоў, з іх 180 – праз “адно акно”; 262 даведкі – для засведчання дагавораў адчужэння жылых памяшканняў; па папярэднім запісе прынята 272 чалавекі; спагнана дзяржаўнай пошліны 22788000 рублёў.

Тамара Андрайчук,

загадчыца дзяржаўнай натарыяльнай канторы раёна.

Добавить комментарий