Днямі ў раённую інспекцыю прыродных рэсурсаў і аховы навакольнага асяроддзя патэлефанаваў жыхар Каменца, які ў час зімовай рыбалкі на Лясной заўважыў на незамёрзшай палонцы чараду лебедзяў.
Прыродаахоўная служба сумесна з Камянецкай паляўнічай гаспадаркай арганізавалі падкормку птушак, на дапамогу прыйшлі і работнікі райаддзела МНС. У першы дзень беласнежныя прыгажуны праявілі асцярожнасць, пры набліжэнні людзей узняліся на крыло, пакружылі ў наваколлі, але праз некалькі хвілін зноў вярнуліся. Неўзабаве ўдзельнікі выратавальнай аперацыі з задавальненнем назіралі праз бінокль за тым, як лебедзі адзін за адным выходзілі на лёд, каб падкарміцца збажыной. Падкормка вядзецца рэгулярна, у выпадку моцных маразоў, магчыма, давядзецца і лёд пілаваць. І ўсё ж змяншэнне “мінуса” ў апошнія дні ды набліжэнне каляндарнай вясны ўсяляюць аптымізм. Тым не менш, раённая прыродаахоўная інспекцыя просіць паведамляць яе супрацоўнікам, калі хтосьці выявіць на вадаёмах раёна зімуючых вадаплаўных птушак. Кантактны тэлефон: 2-37-98.
Рыгор ЛЕСАВІК
Фота Міколы ШУМА
Это может быть интересно:
-
Освещение на кухне на заказ: как свет влияет на комфорт, эстетику и функциональность пространства
-
РЕСПУБЛИКАНСКАЯ АКЦИЯ “ДАЙ ЛЕСУ НОВАЕ ЖЫЦЦЁ” ПРОДОЛЖИЛАСЬ СЕГОДНЯ НА ТЕРРИТОРИИ КАМЕНЕЦКОГО РАЙОНА
-
Сенатор Александр Карпицкий о переговорах Президента Республики Беларусь Александра Григорьевича Лукашенко с Султаном Омана Хайсамом бен Тареком Аль Саидом
-
Как первые заморозки влияют на безопасность на дорогах: советы водителям
-
Порядок расчета платы за ЖКУ для трудоспособных граждан, не занятых в экономике изменится с 1 октября