Общество

“Мне спадабалася працаваць па-новаму”

By vla1941 / 22 августа 2015

Изображение 1039Першае рабочае месца Вікторыі Ігнаценка – аддзяленне паштовай сувязі ў Пелішчы. Тут працуе ўжо два тыдні. Прафесію аператара атрымала ў Брэсцкім дзяржаўным каледжы сувязі. І, мабыць, не памылілася з выбарам, зазначае начальнік аддзялення Галіна Кавальчук, бо ўмее працаваць з кліентамі, ды і ведае многіх з іх. Вікторыя – з суседніх Беразнякоў.

У 20-х чыслах месяца пачынаюцца актыўныя разлікі за камунальныя паслугі і сродкі сувязі – на гэты “гарачы” час і прыйшліся першыя дні яе працы. Аднак, укараняемая ў сельскай мясцовасці сістэма разлікаў АРІП ёй ужо “скарылася”, спадабалася сваёй універсальнасцю і хуткасцю ў абслугоўванні.

У вольны час, хоць яго ў вёсцы не так многа, Вікторыя піша вершы (на беларускай мове), з дапамогай інтэрнэта вывучае замежныя мовы. А самым вялікім задавальненнем цяпер сталі ахвотныя зборы раніцай на працу.

Галіна НОВІК.

Фота Міколы ШУМА.

Это может быть интересно:

Добавить комментарий