Канцэрт – у падарунак

Дзень інваліда нельга лічыць святам у шырокім сэнсе слова. Хутчэй гэта дзень моцных, мэтанакіраваных людзей, тых, кагPB160709о не зламалі абставіны. Менавіта для іх, пажылых людзей і дзетак з Высокаўскай са-

наторнай школы, на пачатку снежня ў мясцовым ГДК прайшла канцэртная праграма “Зноў галіна хіснулася”.

Выступалі вучні Высокаўскай дзіцячай музычнай школы і самадзейныя артысты Дома культуры. А потым да іх далучыліся самі гледачы, якія цэлы месяц рыхтавалі свае выступленні пад чулым кіраўніцтвам супрацоўнікаў Дома культуры. Гучалі песні, вершы, маналогі… Тыя артысты, што ўпершыню выйшлі на сцэну, крыху хваляваліся, але шчырыя апладысменты падтрымлівалі іх, дапамагалі сабрацца. Канцэрт атрымаўся і працягваўся нават падчас наступнага чаявання. Як выдатна спявалася пад залівісты акардэон!

А за дапамогу ў арганізацыі свята шчыры дзякуй СААТ “Белавежскія сыры”, а таксама –  індывідуальным прадпрымальнікам: Мікалаю Байдоўскаму (магазін “Гасцінец”) і Марыне Сопінай (УП “Міхмар”, магазін “Фартуна”).

Алег ГРЫПІЧУК, дырэктар Высокаўскага ГДК.

Добавить комментарий