Общество

З Тбілісі ў Камянюкі

By vla1941 / 01 ноября 2012

Як паведамілі ў прэс-службе Брэсцкай пагрангрупы, 28 кастрычніка на ўчастку пагранзаставы “Камянюкі” у 15.25 пагранічным атрадам у населеным пункце Камянюкі на ўскраіне лесу былі затрыманы трое грамадзян Грузіі, жыхары Тбілісі.

Пры сабе яны мелі пашпарты, у якіх значыліся 1978, 1979 і 1986 г.н. Часова беспрацоўныя. Затрыманыя знаходзіліся ў пагранічнай зоне без дазваляльных дакументаў. Пагранічнікам растлумачылі, што прыбылі ў Беларусь з мэтай працаўладкавання. Аб тым, што знаходзяцца ў пагранічнай зоне, не ведалі, аднак дзве сумкі з асабістымі рэчамі, тры мабільныя тэлефоны і 450 долараў ЗША не забылі прыхапіць. На іх былі аформлены пратаколы адміністрацыйнага правапарушэння паводле артыкула 23.30 (“парушэнне пагранічнага рэжыму”). Парушальнікаў змясцілі ў следчы ізалятар тэрмінам да 3-х сутак для далейшага разгляду сітуацыі. 30 кастрычніка затрыманыя былі падвергнуты штрафу ў 0,5 базавых велічынь, дэпартаваны ў добраахвотным парадку з забаронай уезду ў нашу краіну тэрмінам на адзін год.

Анастасія ЯНКІНА.

Это может быть интересно:

Добавить комментарий