Да Пружан не даехалі

Вечарам 9 ліпеня пры выездзе з пункта пропуску “Пясчатка” былі спынены два аўтамабілі “Аўдзі”. У канструкцыях транспартных сродкаў у выніку паглыбленага дагляду былі выяўлены: дыскі да “балгаркі” для работы з бетонам, металам і дрэвам, свердзелы для дрылі, шчоткі для шліфавальнай машынкі, чахлы і аплёткі для руля – усяго вырабаў больш за 1200 штук. Папярэдняя сума ацэнкі тавара-матэрыяльных каштоўнасцей склала каля 70 мільёнаў рублёў. Вадзіцелі легкавушак, часова непрацуючыя 38-гадовы мужчына і 26-гадовая жанчына, патлумачылі, што схавалі тавар ад мытнага кантролю наўмысна, для далейшага перапродажу ў Пружанах. Тавар і транспартныя сродкі перададзены службовым асобам Брэсцкай мытні.

Кацярына ПАЎЛАВА, памочнік начальніка прэс-службы Брэсцкай пагрангрупы.

Добавить комментарий