Віталій Кулак: Нельга быць у баку ад жыцця сваёй краіны

25 лютага 2024 года – у Беларусі адзіны дзень галасавання: мы ўпершыню будзем адначасова выбіраць дэпутатаў Палаты прадстаўнікоў Нацыянальнага сходу Рэспублікі Беларусь, Брэсцкага абласногаСавета дэпутатаў, Камянецкага раённага Савета дэпутатаў і сельскіх Саветаў дэпутатаў.

Я заклікаю жыхароў Камянеччыны не заставацца ў баку ад гэтай важнай палітычнай падзеі, бо ад таго, хто будзе прадстаўляць інтарэсы нашага рэгіёна ў тым ліку і на ўзроўні парламента,залежыць, якім будзе заўтрашні дзень краіны. Нельга раўнадушна назіраць, як другія прымаюць рашэнне за вас.

Наша мэта – выбраць самых годных і неабыякавых з кандыдатаў у дэпутаты і такім чынам непасрэдна ўплываць на фарміраванне органаў улады. На чале нашай краіны – моцны Прэзідэнт. Моцнай павінна быць і прадстаўнічая ўлада.
Таму неабходна максімальна рэалізаваць сваё канстытуцыйнае права, праявіць грамадзянскую адказнасць – прыйсці на выбарчыя ўчасткі 25 лютага або скарыстаць магчымасць прагаласаваць датэрмінова. Нагадаю, што датэрміновае галасаванне ў Беларусі доўжыцца з 20 па 24 лютага.

Нельга лічыць, што ад выбаршчыкаў нічога не залежыць. Калі ўзнікаюць праблемы, часцей за ўсё іменна да ўлады, да дэпутатаў – як прадстаўнікоў насельніцтва краіны – чалавек звяртаецца з надзеяй на іх вырашэнне. Правы грамадзян Беларусі абаронены дзяржавай.

Звяртаюся да тых, хто ўпершыню прыйдзе на выбарчыя ўчасткі: менавіта вам, маладым, наканавана пацвердзіць, што грамадзянская свядомасць – у традыцыі беларусаў. Моладзь – будучае Беларусі, і старэйшае пакаленне верыць у вас, а найперш у тое, што маеце ўзважаную грамадзянскую пазіцыю.

Упэўнены, што для многіх жыхароў Камянеччыны ўдзел у выбарах стаў ужо добрай сямейнай традыцыяй. Бо як жа інакш мы забяспечым мір, спакой і дабрабыт у нашай краіне? Найлепшым адказам на гэтае зусім не рытарычнае пытанне павінен стаць бюдетэнь, які чалавек апускае ў скрыню для галасавання.
Зрабіце правільны выбар, аддайце свой голас тым кандыдатам, каму давяраеце самае дарагое – будучае сваё і сваіх дзяцей.

Віталій КУЛАК,
старшыня Камянецкага раённага выканаўчага камітэта