Высокаўскі восеньскі баль…

Ужо на працягу пяці год у  Высокаўскай сярэдняй школе праводзіцца сапраўдны конкурс прыгажосці – “Восеньскі баль”, падчас якога дзяўчаты 9-11 класаў змагаюцца за тытул “Міс восеньскае зачараванне”. Гэты год не стаў выключэннем. Сёлетнія спаборніцтвы ўразілі асаблівымі яркасцю і арыгінальнасцю.

Падрыхтоўка да конкурсу патрабавала ад удзельніц шмат сіл і намаганняў, але гэта не спыніла дзяўчат, – наадварот, надало смеласці і ўпартасці ў дасягненні мэты. Выс­тупленне кожнай канкурсанткі бы­ло сапраўдным шоу, падрыхтаваным на высокім ўзроўні.

Удзельні­цы расказвалі пра сябе, дэманст­равалі таленты, прэзентавалі серыі фотаздымкаў, спабор­нічалі ў харэагра­фічным майстэрстве, а таксама пра­ходзілі інтэлектуа­ль­нае выпраба­ван­не, якое дало нечаканы вынік.

Усе восем прыгажунь сталі пераможцамі, кожная – у сваёй намінацыі: Ганна Пацяйчук (на здымку злева) – “Міс індывідуальнасць”, Вера­ніка Кулігіна – “Міс грацыя”, Эва Ваўранюк – “Міс фота”, Наталля Лясюк – “Міс крэатыў”, Анастасія Карпук – “Міс талент”, Кацярына Шляга – “Міс усмешка”, Крысціна Варанецкая – “Ві­цэ-міс” і, акрамя таго, “Міс глядацкіх сімпатый”. А вучаніца 11 “Б” класа Вольга Назарук (на здымку справа) атрымала самы жаданы тытул – “Міс восень­скае зачараванне”, што азначала перамогу.

Пасля завяршэння конкурсу пап­ра­сіла Олю падзяліцца ўражаннямі.

– Хвалявалася вельмі! – ахвотна расказала дзяўчына. – Нават не разлічвала на перамогу, але ў той жа час не страчвала веры ў свае сі­лы. Сур’ёзна рыхтавалася, каб зра­біць усё магчымае і немагчымае! Вялікі дзякуй тым, хто дапамагаў, падтрымліваў. Асабліва – маме, якая з пачатку і да канца бясконца верыла ў мяне!

“Восеньскі баль” – адно з найбольш масавых мерапрыемст­ваў у школе, якое карыстаецца заслужанай папулярнасцю. Падчас яго актавая зала была перапоўнена. Падтрымаць удзельніц прый­шлі сябры, аднакласнікі і настаў­нікі, бацькі…

Ганна СВЯЧКО, педагог-арганізатар Высокаўскай СШ.

Фота аўтара.