“Белая Русь”. Пазачарговая канферэнцыя

14 сакавіка адбылася пазачарговая справаздачна-выбарная канферэнцыя Камянецкай раённай арганізацыі РГА “Белая Русь”. Яе дэлегаты (56 чалавек) сабраліся ў актавай зале КУШВП ЖКГ “Камянецкая ЖКГ”. Увогуле ж сёння ў шэрагах раённай арганізацыі гэтага грамадскага аб’яднання – 1177 членаў, і за іх плячамі нямала карысных спраў.

На канферэнцыю былі запрошаны старшыня Камянецкага раённага Савета дэпутатаў Аксана Высагроцкая і старшыня раённага аб’яднання прафсаюзаў Вольга Дашкевіч. І перш-наперш удзельнікі яе абралі прэзідыум, сакратарыят, мандатную і падліковую камісіі, пасля чаго пачалася работа ў адпаведнасці з павесткай дня.

Са справаздача аб рабоце Савета раённай арганізацыі РГА “Белая Русь” за перыяд з мая 2022 года па люты 2024-га выступіў яго старшыня Павел Заграй, прывёўшы прыклады актыўнасці і ініцыятыўнасці прадстаўнікоў гарамадскага аб’яднання. Пасля чаго ў спрэчках выступіла Аксана Высагроцкая, якая станоўча ацаніла дзейнасць раённай арганізацыі і адзначыла, што без яе ўдзелу не абыходзіцца ні адна значная падзея ў раёне.

У выніку работа арганізацыі была прызнана здавальняючай.

Далей агульнымі намаганнямі прысутныя ўнеслі змены ў колькасны і персанальны склад Савета раённай арганізацыі, абралі яго прэзідыум і намесніка старшыні (ім стала Аксана Высагроцкая).
Павел Заграй, Аксана Высагроцкая і Рыта Скалковіч сталі дэлегатамі справаздачна-выбарнай канферэнцыі Брэсцкай абласной арганізацыі РГА “Белая Русь”, што адбудзецца 22 сакавіка, а двое першых яшчэ і дэлегатамі пазачарговага з’езда РГА “Белая Русь”.

Завяршылася канферэнцыя прыемным момантам узнагароджвання. Відамлянская, Навіцкавіцкая і Пагранічная СШ, ААТ “АграТурна”, дзіцячы сад №2 Каменца, СШ №1 Каменца і Камянецкі раённы сацыяльна-педагагічны цэнтр атрымалі Падзячныя пісьмы і падарункі як самыя актыўныя ўдзельнікі рэспубліканскай акцыі “Белая Русь” – дзецям Данбаса”. Акрамя таго, Павел Заграй уручыў білеты двум новым членам Беларускай партыі “Белая Русь”.

Настасся НАРЭЙКА
Фота аўтара