Асцярожна: будуць прыманкі!

У кастрычніку-лістападзе, у межах супрацьэпізаатычных мерапрыемстваў з мэтай прафілактыкі шаленства, будзе праводзіцца аральная імунізацыя дзікіх драпежных жывёлін. З гэтай мэтай выкарыстоўваюцца блістэрпрыманкі (прыманкі з вакцынай), раскідванне якіх адбываецца з дапамогай самалётаў.

Даведачная інфармацыя

Прыманка з вакцынай – брыкет шэрага ці цёмна-карычневага колеру масай да 30 г, выраблены з кампанентаў ядомых драпежнікамі кармоў, што маюць спецыфічны пах. У прыманку змешчаны блістэр (прыманка) з вакцынай.

Забаронена браць прыманкі з вакцынай рукамі і скормліваць іх свойскай жывёле. Не дапускаецца кантакт дзяцей з вакцынаўтрымліваючымі блістэрпрыманкамі.

Калі выпадкова вакцына (змесціва блістэра) трапіць на адкрытыя ўчасткі цела або слізістыя абалонкі вачэй, рота ці носа, іх неабходна прамыць вадой, апрацаваць 2-працэнтным растворам пітной соды і звярнуцца ў мясцовую ўстанову аховы здароўя.

Раскідванне прыманак з вакцынай будзе праводзіцца на тэрыторыі раёна, за выключэннем населеных пунктаў і вадаёмаў. Палёты самалётаў – на вышыні 150-200 метраў з хуткасцю 150-180 км/гадз., адлегласць паміж паралельнымі лініямі самалёта – 1 тыс. метраў. На 1 кв. км трапіць 20 прыманак.

Людзям неабходна пазбягаць зон раскідвання гэтых прыманак, каб не быць траўміраванымі імі.

Андрэй АЛЯКСЕЙЧЫК,

намеснік галоўнага ветурача раёна.