З мэтай кантролю за эксплуатацыяй вучэбных аўтамабіляў і ходам навучання практычнаму ваджэнню кандыдатаў у вадзіцелі ў раёне з 20 да 30 красавіка праводзяцца спецыяльныя рэйды пад умоўнай назвай “Вучэбны аўтамабіль”.
На што звяртаецца ўвага? На выяўленне грубых парушэнняў Правілаў пры кіраванні вучэбнымі аўтамабілямі, на тэхнічны стан транспартных сродкаў, выпуск на лінію аўто з няспраўным спідометрам, кантроль за эксплуатацыяй вучэбных машын, асабліва ўвечары, на наяўнасць і захаванне маршрутаў, узгодненых з ДАІ, адпаведнасць абсталявання аўтамабіляў і запісаў у пасведчанні аб рэгістрацыі “Спецыяльны”, “Вучэбны”, праходжанне абавязковага штодзённага медагляду майстрамі вытворчага навучання, факты прыпіскі кіламетражу.