Пра Юрыя Пятрэнку ў ААТ “Каленкавічы” можна пачуць толькі добрыя словы як пра чалавека добрасумленнага і працавітага.
Нарадзіўся Юрый Пятровіч у Шышове. Вучыўся спачатку ў Навіцкавіцкай сярэдняй школе, а потым – у Каменцы. Пасля атрымання атэстата аб сярэдняй адукацыі адправіўся выконваць грамадзянскі абавязак перад Айчынай – быў пагранічнікам. Было гэта ў 1992 годзе. Звальняўся ў запас не проста радавым – сяржантам.
Пасля таго, як вярнуўся з арміі, пайшоў працаваць механізатарам у калгас імя Кірава. У той час разам з сябрамі ездзіў на танцы. Падчас адной з такіх паездак пазнаёміўся з дзяўчынай з Каленкавічаў, якая неўзабаве стала яго жонкай. Вось такім чынам Юрый Пятрэнка апынуўся ў “Праўдзе”, якая з цягам часу стала адкрытым акцыянерным таварыствам “Каленкавічы”. Зараз сям’я жыве ў новым з усімі выгодамі “прэзідэнцкім” доме.
Вольнага часу ў Юрыя Пятровіча вельмі мала. Самі разумееце – перадавы механізатар, які працуе з такой адданасцю сваёй справе, што і дома бывае толькі з самага ранку і позна вечарам. Але, нягледзячы на гэта, паспявае даглядаць і ўласную гаспадарку, а яна немалая: карова, свінні, куры… А калі ўсе справы і па гаспадарцы, і дома зроблены, вельмі любіць Юрый Пятрэнка пагуляць са сваім маленькім сыночкам.
Наталля ГРЫЦУК.
Это может быть интересно:
-
Кофе твой друг? Проверь свои знания с тестом от «НК»
-
Судебный эксперт из Каменца о том, как перестала бояться смерти и почему не смотрит криминальные сериалы
-
Продлен профессиональный отбор в Институт пограничной службы
-
Конкурс-выставка “Светлый праздник” прошла в Ходосовской базовой школе
-
РАСПИСАНИЕ БОГОСЛУЖЕНИЙ В ХРАМЕ ПРЕПОДОБНОГО СИМЕОНА СТОЛПНИКА Г.КАМЕНЦА 10-14 АПРЕЛЯ