Жыхар Расны на трактары МТЗ з прычэпам ехаў па вул. Сацыялістычнай у Высокім. Няправільна выбраў бакавы інтэрвал да аўтамабіля Форд-Эскорт, які знаходзіўся на стаянцы, і ўчыніў з ім сутыкненне. У ДТЗ людзі не пацярпелі, а легкавушка пашкоджана.
Жыхар Свішчова на Фордзе-Галаксі рухаўся з Брэста ў напрамку Каменца. Не выбраў бяспечную хуткасць і выехаў на правую па ходу руху абочыну, не справіўся з кіраваннем і сутыкнуўся з едучым у сустрэчным накірунку Аўдзі-80. Аўтамабілі пашкоджаны.
Жыхар Пясчаткі на “Масквічы” таксама не выбраў бяспечную хуткасць з улікам закруглення дарогі на скрыжаванні Пясчатка-Каменец-Шарашова-Свіслач і Брэст-Каменец-НП “Белавежская пушча”. У выніку з’ехаў у левы па ходу руху кювет і сутыкнуўся з апорай лініі электраперадач. Аўтамабіль і апора ЛЭП пашкоджаны.
Нецвярозы жыхар Каменца кіраваў БМВ, не маючы пасведчання вадзіцеля, не выбраў бяспечную хуткасць і ў райцэнтры з’ехаў на пляцоўку, дзе вядзецца рэканструкцыя, на скрыжаванні вуліц 8 Сакавіка і Брэсцкай. Аўтамабіль не пашкоджаны. За грубае парушэнне Правілаў дарожнага руху вадзіцель аштрафаваны на 4 млн. рублёў.
Это может быть интересно:
-
Продлен профессиональный отбор в Институт пограничной службы
-
Конкурс-выставка “Светлый праздник” прошла в Ходосовской базовой школе
-
РАСПИСАНИЕ БОГОСЛУЖЕНИЙ В ХРАМЕ ПРЕПОДОБНОГО СИМЕОНА СТОЛПНИКА Г.КАМЕНЦА 10-14 АПРЕЛЯ
-
12 апреля состоялась отчетно- выборная конференция Каменецкой районной организации профсоюзов работников государственных и других учреждений
-
Фоторепортаж. «Сестры Хатыни» на Каменетчине